هذي القصيده بمناسبة ترقية الاخ /
مبارك محمد الزعبي لرتبة رئيس رقباء .
على مبتدا الوسم الخواطر بدت تشتاق
وتشفي على درب ٍ له المهتوي ناوي
هوايه فجوج فوقها يبرق البراق
ودن الرعد والغيث للقاع متهاوي
واصف البيوت وحبكها محكم الاغلاق
خبير الشعر يصبح لها حافظ وراوي
على مبارك محمد تباريكنا تنساق
تباريك ترفق ريحة المسك والجاوي
ترقيت والليل العتم زاحه الاشراق
ترقيت ياذيب ٍ ورى طمعته عاوي
بعيد الدروب لقاصر الرجل ماتنطاق
ومن دونها يصبح على خيبته ثاوي
عزوم الفتى تظهر معه كنها الارباق
تجيره من الصدمة ولطف الله مخاوي
يانسل الرجال اللي غلاهم من الاعماق
مشوا سكة اهل العز عن سكة الغاوي
ليا دندنت خطواتهم للحروب سباق
و يردون جم ٍ قاصر ٍ عنه كم راوي
شعور ٍ كتبته بالقوافي شديد وثاق
عساني مااجنب واجبي دامني قاوي
واجدد لك التبريك واطوي بها الاوراق واصلي على محمد عدد من لفا ضاوي
الشاعر /ناصر متعب الزعبي
