صحيفة الفرسان الإلكترونية ـ تصميم ناصر الزعبي  

مرحبا والطيب وبلن من غمامه مرحبا باللي حضر من كل ديره
مرحبا على المعزه والكرامه بالرجال اللي مكاسبهم كبيره
وطبعنا معروف لا يوم القيامه روس قومن ما يهابون العسيره
وربعي زعوبن لهم هيبه وقامه مجدهم ماضي وحاضر في الجزيره
نروي السيف الحدب يوم الجهامه ومجدنا ورث وفعايلنا كثيره
كم كسيرن فعلنا يجبر عظامه عن هجير الوقت والدنيا نجيره
ماسكين المجد من ذروة سنامه وجارنا مامون بسيوفن شطيره
وخصمنا يارد على حوض الندامه ولا تداويه الكوايا والجبيره
وجارنا يامن ويبشر بالسلامه عن صواديف الزمان وعن هجيره
والله إنه لعتزا فينا حزامه دام له مع ربعنا خوه وجيره
لا عتزا فينا رفعنا له مقامه تشهد الاشراف في يوم المغيره
وزعب عنوان الوفا والاستقامه ما نهاب الموت لو شبو سعيره
انحفظ للضيف قدره واحترامه ماتردينا لو الدنيا عسيره
معتلين المجد من ذروة سنامه أهل الطالات ودروع الجزيره
ناشي بن فراج الخوير