.
ما هيّض الشاعر كلام العاشقين ولا هديل الورق فوق اغصانها
لا والله الا في مديح الطيبين اللي ينومسني نبى شيبانها
يا والله اللي لزّم الميقاف لين قمت أتخيّر فـ البيوت سمانها
درب المراجل لا يسار ولا يمين الدرب واضح والمراجل عانها
عند المواقف يقدم الجنب المتين و ان فرّعت صيته يجون اخوانها
سلام يا ربعي كعام العايلين ايه الصناتين الفخر عنوانها
شعّار وان جات الصمايل صاملين واهل كرم واذكر فعل جدانها
يكفي نبى ناصر عشير الغانمين منيحة عيالة نثر دمانها
حنا قبيلة زعب سقم المعتدين كان القبايل كشّرت نيبانها
انداد لـ احفاد الحسن مدري الحسين وقدر القبيلة من قدر عدوانها
وتسافر الايام وتدور السنين والمرجله تبقى على سيسانها
مبروك يا خالد ولد ذرب اليمين والفضل لله سرّها وإعلانها
سعيت فالامجاد والعلم الثمين وماهي غريبه لا كسبت رهانها
عند المواقف يقدم الجنب المتين وان فرعت صيته يجون اخوانها
علي محمد البراطمي
