مرثيات في محمد بن بجاد الشقران – رحمة الله
محمد البجاد ربي يبيحة ذكره مع العربان طيب ولا زال
كل المشاعرعقب دفنه جريحه لاوالله إلا راح من زعب رجال
مرحوم ياشيخً سكن بالمليحه مورثن طيب المجاني بالأفعال
فلاح محمد العوينان
مرحوم ياللي تفعل الطيب يمناه قرمٍ على فعل المراجل مضرا
محمد البجاد والله فقدناه شيخٍ يقضي حاجة اللي تحرا
مدة كريمٍ مع كلامٍ تحلواه ذكره مع الأجناب واللي يمرا
منومسٍ ربعه بفعلٍ شهدناه وضد منهو في حقوقه تجرا
من طيب حظه ماحدٍ قال يشناه وكم ذاق من صعبات الايام مرا
يالله عساها جنة الخلد ماواه ويتنعم في حلاها مُسرا
حسن بن هادي الوهيبي
مرحوم ياللي طاب ذكره وطرياه عون الرفيق ومن تنصاه عاني
يالله عسى زينات الاعمال تلقاه ويشوف في قبره رفيع الجناني
ويالله عساها جنة الخلد ماؤاه ينعم بها ويشوف طيب الحساني
راعي الكرم والجود والعز مبداه بابه مشرّع للخوي والعواني
هذا ولد بجاد من ضاق ينصاه شيخّ ولد شيخ وذرب اليماني
وما مات من خلف حرارٍ بمرباه يمشون في ممشى وسيع البطاني
اخوان وعيالٍ على الطيب والجاه من بيت عزٍ منزله بالبياني
ناشي بن فراج الخوير
