يالله يامرسل هماليل المطر يارب يسر وأهدني ياذو الجلال
الوقت يَظّهَرّ لك مطاليق البشر لاجات حزات الشدايد والثقال
والمدح يزهى في رياجيل السطر رد الثنا واجب علينا للرجال
وسلام ياللي طيبكم عز وفخر اللي ليا وَقّفَوُ مثل صم الجبال
ظل وذرى ماهابو أهوال الخطر وقفاتهم بين العرب مضرب مثال
وأخص أنا فيهم بعيدين النظر آلاد شرعانٍ كريمين السبال
محمد اللي يقهر أخصامه قهر في فزعته رد الحقوق وبه تطال
قرمٍ تَحَزّم وأحتماها وأستمر يالين رد الحق وإن صعب المنال
وأخوه رمز الطِيّب ماعنه قَصَر بأعلى سما الأمجاد والطالات صال
سعود يوم إن الدعاوي تستعر أخمد سعايرها بعزم وطيب فال
والشعر نقض وفتل والدنيا عِبَر ولاأنسى جهد من قام في تلك الليال
فهيد بن سلوم مشهود الظفر هذاك أبو نايف عسى سنينه طوال
وطامي ولد راشد على القمه شَهَر ماقا صعبه وأرتكى وأنهى الجدال
وأبوفهد فيحان في عسر ويسر من دونها وقّف ولاهاب الهوال
وباللازم محمد ولد سالم حضر قام وفزع فزعة بطل وإن قال طال
وعبيد بن ناصر بعد طق الصدر قال أزهلوها حتى وإن كانت محال
وسعيد بن هايف عريبٍ معتبر ماغاب عنها يوم شاننٍ الحوال
وهادي ولد ناصر على الشده ظهر وقف نهار إن الردي صابه جفال
حي الرجال اللي لهم صيتٍ وذَكَر بالمرجله وصلو على حد الكمال
عسى فداهم من تهرب وأعتذر ولا يقول الأمر ماحوله مجال
وغصبٍ عن خشومٍ عساها للكسر وغصبٍ عن عيونٍ عساها للزوال
لله كل الحمد لله الشكر تيسرت واللي ذكرنا رأس مال
خالد بن محمد الطامي
