مسؤول والنفس عن ماقلت مسؤوله ضميرك الحيّ نفسك لايخليها
ماكل شيٍ تعرْفه لازم تقوله بعض السوالف ماترفع قدر راعيها
الصمت ياطيبه وياطيب محصوله مايجرح الناس غير هروج غاليها
الكلمه الخايبه ماهيب مقبوله والكلمه الطيّبه ياليت نحكيها
راعي النميمه ماهيب تسرّك فعوله لا تنتظر لين يكحلها ويعميها
للحق سيف وسيوف الحق مسلوله تقطع به لسان نمّامٍ يدربيها
العمر صيت الرجال يجمّل فصوله الكنز بسنين الأيام ولياليها
للطيب كلن بفعله يسرج خيوله مايظهر أهل الفعول إلا يمانيها
درّ المجالس هم أهل الدين وأصوله المجلس اللي ليالي العمر يضويها
ومجالسٍ للأمور الكايده دوله بينقضى لازم اللي جاك ناصيها
ومجالس أهل الكرم والعز والطوله ترتاح من طيب أهلها يومك تجيها
ومجالسٍ ضايعه بالذكر مجهوله تجمعهم المصلحه وماحواليها
ومجالسٍ عن حقوق الضيف مقفوله علم الردى والنميمه دايرٍ فيها
نشوف حاجات واجد غير معقوله ياالله عسى الناس ما باعت مباديها
ياللي تقول السلوم اليوم مقتوله إن كان ما أحييتها غيرك بيحييها
مشاكل الوقت منتهيه ومحلوله دام الرياجيل ماخابت هقاويها
محمد بن عبدالله الهميم
