تصميم / ناصر الزعبي  

تدور الليالي بس ما نقبل التدوير على دورة الدنيا لنا صمله وهومه
على سلم اهالينا ولو صار به تغيير يموت الرجل منا ولا يترك سلومه
ترى الطيب بحرٍ مايعومه هل التقصير وحنا مشينا له وغصناه ونعومه
نحب الكرم والضيف له حقٍ وتقدير ويلقى البشاشه والتراحيب بقدومه
ومن صكته بقعى علينا يشوف الخير يجينا مع همومه ويترك لنا همومه
وترى ما نعرْف امير ولا خوّي امير لكّن من تنصانا قضينا له لْزومه
ومنهو يخاوينا عزومه تهد النير ولانه يخاوينا من الفخْر له زومه
ترى كل شيٍ لجل عين الرفيق يصير نحقق له حلومه ولو صعبه حلومه
وترى الجار له حقٍ وحقه ماهو بصغير ومنهو تعرض له ترى حنا خْصومه
لنا وقفةٍ للجار يوم الخيول تغير حمينا قصير البيت واعداه مهزومه
فلا نقبل الذله ولا نقبل التحقير وحنا قروم العز لا نادوا قرومه
عوايد من الجدان ما تقبل التغيير قبل لا يجي للبدو دستور وحكومه
وهايب ولي الكون ومدبره تدبير عطانا يوم ان الناس معطى ومحرومه

مبارك بن محمد الوافي