ياهيه وشبك بالنشاما ترديت عزالله انك اخطيت تالي سنينك
ضميت لك شيخً وشيخت لك هيت ولاعاد نعرف ويش سلْمك ودينك
ذكرت خبلان العرب يوم عديت ونكرت منهم باللقى سعد عينك
والي بليّا صيت حطيت له صيت واسمه تسجل بالذهب من يدينك
اخطيت في ربعك وفي حقك اخطيت ماتدري إن من هان نفسه يهينك
خل الذي من دون ساسً بنا بيت لو حط له سوراً مثل سور صينك
لا ساتر بخيته ولا مضيف بخيت وقد قيل من لاضر ماهو يعينك
وحنا لو ان نسمع هروج الشماميت ماكان صرنا عوق حشوك وضينك
وفي نصره المضيوم مثل العفاريت ولا نعترف في قول ويني ووينك
نلقى جزاها عند من يحيي الميت الي كتب لك ماتحوشه يمينك
محمد بن وافي