صحيفة الفرسان - تصميم / ناصر الزعبي
.
لاضاقت الدنيا تفائل لك بخير
خلك مع الله واطلبه لك الستر
لاتشتكي للناس في يوم العسير
واصبر ترى باب الفرج لك بالصبر
حاجتك يقضيها الولي قبل الامير
بامره تغلّق عنك بيبان العسر
سامح صحيبك والعفو ماله نظير
فالميت مايبقى وراه إلا الذكر
رحّب وكرّم ضيفك وقدّم عبير
له ابتسم واطلب سموحه والعذر
النعم ما تنقال للكف القصير
إلا الذي بالفعل له زين الخبر
باوصيك يادحيّم وصية من كبير
امك وابوك اكسب رضاهم والقدر
لايضيمهم دهرٍ ولايومٍ عسير
خللك مع الطاعة لهم ويا الأمر
يادحيّم الدنيا كما الموج المغير
واللي سبح بالعمد ما يقطع شبر
لاتغرك الدنيا ولو دمعه نثير
خل الفكر حاضر وناظر واعتبر
وصلوا على اللي جا على النهج المنير
محمد اللي بالضيا مثل القمر
محمد ابراهيم الربيع
