.
زان بدع القاف للي يرغبونه في حفل شيخن رقى للمجد عالي
شيخ قومٍ بالملاقا تعرفونه من هل الردات حماي التوالي
عند ابن فيصل هلا قدر ومعونه مرحبا باللي بعيد وبالموالي
حفل عبدالله ماجاز العذر دونه ياهلا وإعداد ما ينشا الخيالي
شيخنا اللي زعب بالشده يجونه عندنا غالي وعند الناس غالي
الشدايد ماتغير في ضنونه يقضي الحاجات ويضد الرجالي
سطر التاريخ ياللي تدرسونه للسحوب فعول من ماض الليالي
كم لزومٍ وقف شيخ القوم دونه واحتما الميقاف دام الرجالي
أتفاخر يوم ربعي يذكرونه واتنومس فيه لا جا له مجالي
زعب لاجار الزمان يقدمونه يحتمي الموقف وحلال الشكالي
الظفر والعز بيّن في عيونه يحسب حسابه مع كرام السبالي
يرتكي للحمل وتشيله متونه فعل كفه لا نقول ولا يقالي
يبني التاريخ ويثبت ركونه تاج راس المرجله بأول وتالي
وخالد اللي كل مجدٍ هو زبونه له مكان وله مقام وله ظلالي
اشهد ان الطيب دايم مايخونه صار من بين العرب مضرب مثالي
وعند ربعٍ من نصاهم يحتمونه مرحبا والضيف غالي عند غالي
ناشي الخوير