https://alfursan.news//youtu.be/sVU4L-AuDYU
البارحه في حلم ولا طواريق الهجوس توارد شجون الفرايد ونعطيها السماح
لوكان كل الوضع هادي ولا حولي طموس سرجت ندر خيل فكري قبل نور الصباح
وشغلت سلف الجيب لاعل تفداه الجموس يشبه شجاعن لا زهمته تحزم بالسلاح
يطربك في حين المواجه على خصمه يدوس حاز الظفر يسقي معادينه السم الذحاح
من طارقن بالجوف حده كما شرطات موس طبه هبوب النود لا هب ذعذاع الرياح
خذيت من كثر التجاريب من وقتي دروس ومنهو ورد هداج تيما شرب عذب القراح
نسبح بحور الموج لا عام مارحنا نقوس ويشوق عيني ضوح برقن بوسط السحب لاح
وبله قراح وصافي الما تساقاه الطعوس فوح الندى لا هب نفح الهوى بالجو فاح
لافاح عطره مثل عطر الهنوف العيطموس الجادل اللي كن روس الهدب علط الرماح
ياساهر اعذرنا مع الخط يمكنا ندوس الشوف يقصر لا ضوى الليل ويعود ضحاح
خالف هوامير التجاره مجمعت الفلوس من زود ماله داخل البنك معطينه وشاح
ولا كريم الجاه ما يملكه ماله جلوس من دون وجهه يرخص المال يسعى للنجاح
ماعم كل الخلق بين العرب ضعفى نفوس لو زاد ماله فوق مليار ما حوله صلاح
من يجهل سلوم المواجيب لا يمكن يروس والنعم من قسم السلاطين وصقور الفلاح
سعد بن تركي السحوب