.
ياهاجسي حضر و ببدع لك القافي بالصدر لجّة تهيض صدر رآعيها
من دون حد اليمن نسمع به إرجافي واللي يودي العلوم ومن يجي فيها
سلمان عز العرب کـالسيف مرهافي هو عز كل العرب والمعتني فيها
والجيش حقه كبير وفعلهم وافي هم عزنا بعد عز الله وحاميها
ياهل الحرس فعلكم يِشهد وينشافي قوات فوجّ تفت اللي يعاديها
حرب الوديعه عليه شهود تنصافي موثقه بالوثايق ما جرى فيها
وفي مكه اللي بها الحجاج تتطافي طوق ردي العزايم طآمعً فيها
ياجعل عبدالله بجنات ينشافي صدر أوامر على الحراس تحميهآ
والفوج شرف بفوجه كل مشرافي الين مآ حرروا مكه واراضيها
والحرب حنا لها ندحم بالأكتافي نقدم على الموت مانحسب تواليها
أرواح دون القصير وراحت حتافي وش عاد يالمملكه بأرواح نفديها
نبطش ولاا من بطشّْنا بطّشَنا يافي منو دون بيت الله ومن دون عانيها
انشد عن اللي غزاها قوم الاشرافي خمسة عشر عام والبنّدق نغذيها
أنشد عن عدودنا اللي شربها صافي من واسط إليا الحجاز ومن حواليها
قوم ً عليها الدهر والوقت منكافي ما حسّبت للمراجل يوم تشريها
قومً تضد الملوگ وشبرها وافي حنا شربنا المراجل من مراويها
تسعين ليلة وخيل القوم مردافي في مقدم الجيش ولا في تواليها
والفين فارس على الميدان تتطافي من ينطح لزعب لا كثرة عزاويها
إليا ضربو ضربهم ماهوب بخلافي ضربًن على الوجه ولا في ثناديها
والجار له حق والضيفان تنضافي ومن له حقوق ً يحق إنا نوفيها
واليوم من فضل ربي مابه خلافي أمن وأمان وستر والشعب مرهيها
فلاح بن محمد ال عوينان
