صحيفة الفرسان ـ تصميم/ ناصر الزعبي
الا يآنسيم الليل وش حيلة المشحون
يجآذب هبوبك والقصآيد يغنيهآ
وحيدن على مبدا(ن) يجر اللحن بالهون
يدور مع السجه طروقن يلاحيهآ
ليآ لد فالقمرآ طرآله حسين اللون
ولاعاد في نفسه علومن تسليهآ
يبي وصل من خده كما الجوهر المكنون
عيونه بعد فرقاه هلت مجآريهآ
يطول المدى والوقت مآعآلج المطعون
جروح الهوى غصبن على العين تبكيهآ
هموم الزمآن تهون والمعضلات تهون
لكن ليلة الفرقآ كثيره طوآريهآ
الا ياأم سآلم جرّي مع الونين لحون
على قلب من عينه سنآ الدمع يكويهآ
يجنب عن وجيه المخآليق لا يوحون
يبي درب خله والمسآفآت يطويهآ
يلومونه السآلين ويقول مآتدرون
عسآ لايمي دآره بلا الوقت يلفيهآ
وعسآ مآطر الوسمي على ديرة المزيون
يحوّل رشآشه لين تنبت مفآليهآ
عبدالله بن ناصر الجهام
