تصميم / ناصر الزعبي  

ياخوي ماعندي لا جنه ولا نار
عبدً فقيرً سمعته راس ماله

اعاشر الاخيار واسعى للاخيار
ولاينقْض فعل الوفى والشكاله

اللي عطاني حسنه اعطيه مدرار
واللي نوالي شر بالشر انا له

هذي طبوع احرار من ماكر احرار
موروث عودً و اورثوها عياله

على النقا والموقف الطيّب البار
كلً على لازمه يرخص رياله

واللي نشدني ماعرفني ومحتار
باجاوبه من قبل يكمل سؤاله

من لابتً تروي شبا كل بتار
سلالةً كم اذهبت من سلاله

زعبي ويوم الموت قصاف الاعمار
محدً توفى ذل ولا خماله

ربعي يومً الناس للموت نفار
من دون جار البيت كلً عناله

جانا غشيمً غرته حسك الاوبار
ايحسب نوق الجار توخذ سهاله

صكو عليها لابتي يمين ويسار
وخمست عشر عامً وحالته حاله

من بطشنا بالحرب عسافة امهار
ايموت رجالً وعشره بداله

رعايّة الاقفار وحماية الجار
اسمً على فعل المكارم دلاله

لاشفت لك راسً له المرجله دار
انشد وتلقى لابتي هم خواله

ومنا ابن هدلان فالضرب ما بار
فارس على الفريس محدً قواله

جاته عجوزً ودها بكسب الابكار
وقالت وحيدي خذه لا جا مجاله

وقال ابشري والحمل ماعنه معذار
واوفى الوعد واشتال حمله وشاله

يوم أسروه القوم من خلف الانظار
عوّد ابن هدلان يسبق اضلاله

وفكه من الاعدا كما فكة ازرار
ونوّخ سباع القوم رجلً الحاله

ياكيف مافخر لابتي سر واجهار
وافعالهم بحرً على الطيب جاله

عبدالله محمد الوافي