تصميم / ناصر الزعبي
نور القمر مكتمل ضيّه وله ضوحي وسهيل ليله عليل وطيّب النسمه
كنه ينادي ترى ما انته بمسموحي ياشاعر ٍ في زمانه ماخذ ٍ قسمه
وانا بوجهي خفي الشوق مفضوحي ودلايله وسط نون العين مرتسمه
كله سبب من حروفه ترفي جروحي وشلون لو بالتفت في وجهه وجسمه
حسيت من كثر ماني فيه مشفوحي ما للهجا من حروف الا حروف اسمه
يابهجة ٍ في ضميري تبني صروحي يافتنة ٍ تخجل الفرشاه من رسمه
ان جيت اجامل واصوغ الجد بمزوحي قلت الهوى بيننا منصوف بالقسمه
وان جيت للصدق يوم الصدق ممدوحي اخذ الكلام الصحيح ويقنعك حسمه
مقصّر ٍ فيك لو اهديت لك روحي وياكبر معروفك اليا اهديت لي بسمه
ناصر متعب الحذيان
