الشعر لا منا بغينا زهمناه وأعلمه في حاجتي ويش جرالي
يالله سترك ياأهل الطيب والجاه دنيا تثنى مثل ثنّيَ العقالي
علمٍ لفانا ليتنا ماسمعناه ضاق الرفيق وضاق عمي وخالي
لعل فالح جنة الخلد مثواه رحمتك ياربي عظيم الجلالي
راعي الوفاء كل المطاليق تنعاه منصى العرب لاعبَسَنّ الليالي
فالح جزيل المد من فعل يمناه ريف الضيوف ومن كرام السبالي
لاجاه من يشكي همومه وشكواه ياقف يقول أبشر بحالي ومالي
رجلٍ سنافي كلبونا فقدناه مواقفه عند النشاما جزالي
يمشي بفعل الخير والأمر لله مالوم عيني تبكي إنسان غالي
عزاي لعمير الكفو طيب الجاه في أخوه واللي نادر بكل حالي
وعياله اللي محزمٍ في الملاقاه سعد ومحمد من خيار الرجالي
ماأنسى عمير وبدر ماوالله أنساه َوعيال فالح عزوتي رأس مالي
لو ينفدى فالح بالأرواح نفداه لكن قضى من هو على الناس والي
عزاه ياحال الشغاميم عزاه هذه هي الدنيا من أول وتالي
الصبر يالأجواد والصبر منجاه وصلاة ربي عد منشي الخيالي
خالد بن محمد ال فريح