شيلة وقصيدة بمناسبة حفل زواج محمد & عبدالله الصناتين
الشاعر / علي بن محمد البراطمي
اداء / حمد الطويل
القصيد اللي دوافعه المحبه صادقٍ منشاه و فجوجه فسيحه
و بلزوم الطيبين مْن الاحبه النشاما ما يحنون القريحه
و ف الزمان التالي اللي ما يشبه واكثر الشعار له قومه وطيحه
وقفتي يا زعب ما تحتاج سبّه ودونكم مانيب ادوّر لي نصيحة
راسي اللي لا استوا القاف و لعب به ما يجيب مْن الكلام الا صحيحة
اعطي الغافل الاشارة و يتنبه والردي تاصلّه الكلمه فصيحة
والرفيق ادرى عليه مْن المسبه والمديح يزيد مقداري مديحه
والحمر لا من طرا ربّي و ربّه والله ان تسمع لْـ كلمة ( نعم ) صيحة
صاملٍ لا هاز ضلع طويق ذبّه ودون ربعة لا احتمى محدٍ يزيحه
حي من هذا نباه و ذا مربّه جعل جنسه واجدٍ والله يبيحه
وفي محلٍ صمخ شعري ينكتبّه ريحة البن تْحدا الجاوي وريحه
والشحم كب التنشّد عنْك كبّه والله ان ماهو على يمناً شحيحه
الصناتين ان غدا للنار شبّه نسل من حدّ العيال مْن المنيحه
من لفاهم شاف اموره مستتبه ينجلي همّه ويلقى البال سيحه
وابو نواف يهنى الضيف بْـ مشبّه والف مرحب فـ الرياجيل الفليحه
من هل الحيزا عما العايل وطبه من طمع فيهم يعوّد بالفضيحه
وش يوقف دم الاعدا من مصبّه دون جار ودار وستار المليحه
والربيع اليا طرق نبته مهبه لوّه بدار الاعادي نستبيحه
والحسود ان قيل غب الحسد غبّه شفت حسده في ملامحْه الصريحة
يتِعب الرجال علمٍ ينحسبّه والرخوم مْن المراجل مستريحه
علي بن محمد البراطمي