اجتمعنا على وضح النقا المجرهدا النواميس حزناها والارياء سديده
صدق ما يكسب الناموس عزمن تردا صدق ماله سليم الا سليم العقيده
وصدق للحمل متن وصدق من جاب ودا وصدق هرج الرجل بين الرياجيل قيده
وصدق ماكل شيخن للوازم يعدا الا شيخن ليا من قام ينفض رصيده
يدري ان العمر لا راح ماله مردا ويدري ان فعله الطيب ينومس حفيده
مثل هذا الحفل ما عنه غيبه وصدا رغم كل الظروف المرمسه والجديده
جابنا الداعي اللي جعل عمره يمدا وحضرت زعب في حفلن عسى الله يعيده
مرحبا عد ما ذعذع من الند ندا ومرحبا عد ما غنو لحون القصيده
في محلن له انظار النشاما تلدا من قريب الديار ومن ديارن بعيده
وانت يارمزنا في كل جزله مبدا لعنبو هاجسن ما صاغ فيك الفريده
انت فرحان مفرح زعب في كل بدا كل عامن تبشرهم بفرصه سعيده
وانته اللي لصعبات الهقاوي تصدا لين خلها الصعايب كلها قبضت إيده
جبتلك جل ذودن تكحل العين جدا اسمها مفرحات وللمعاند عنيده
اشملت للكويت من ابرقيه تحدا كنها تقول انا اللي فالصداره وحيده
تلتفت في منافسها بعين المودا مثل من قال عود واترك اللي تريده
ودقها فالسعودية حضر واستعدا ولا يجيب التلاد الا صبين وليده
اخذت الكاس من يمنا المليك المفدا قدم كل العيون المبغضه والوديده
انتعشاء بفوز وفوز فيه انتغدا طبعنا من خلقنا الله ليوم الوعيده
سعود بن مدلاج