البارحة صدري به احـزان وآهات والقلب تعصف به طواحين وشطون
علم ٍ لفاني وأتعب الحال مرات غديت لا صاحي ولا تقول مجنون
يا موت ياهادم كثير الملذات خذيت بادي وأصبح الناس ينعون
راح العزيز اللي يحلّ الصعيبات من فقدته مني ترى الحال في دون
يا بادي الزعبي بكيناك مرات وأبكي على فرقاك والناس يبكون
حزات احس اني كسير ٍ وحزات احس لوعات الزمن تملي الكون
ياليت من يلحق على فايت ٍ فات يوم الضحك والإبتسامة لها لون
مرحوم ياراعي العلوم الجليلات سنيت علم الطيب والدرب مسنون
وفزعت للي يرتجي منك فزعات لك وقفـة ٍ عنها أكثر الناس يدرون
يابوسعد قلبي معك انت بالذات عليه من فرقاك شِدات وحزون
وانا اشهد اللي خلّف اليوم مامات بعدك زحازيح ٍ على الحق يوفون
وختامها صلوا كثير الصلوات على النبي احمد ياللي تصلون
يحيى بن شيبان الدوسري
التعليقات 1
1 pings
خوي الطيبين
23/02/2018 في 12:20 م[3] رابط التعليق
الله يغفر لـ بادي بن سعد الزعبي
اللهم اجعل قبره روضة من رياض الجنة.
اللهم اسكنه داراً خيراً من داره
وأبدله أهلاً خيراً من أهله.
وصح لسان الشاعر