بـرق الحميه محتمي ثم احتميت صبيت لـي قـافً على هيئة وبـل
اعطي السمينه بالقصيدة لا عطيت واسرجت لي اشعيطان بالمعنى الجزل
شاعر واقول الحق لا منـي نويـت مثلي يجي كالغيم وان وقف جبل
سبحان من در المطر والقاع ميـت والمدح في ربعي ولا عمره ذبل
مدحي قوي في زعب لا مني حكيت غنت عزوف الحرب بـ اصوات الطبل
وانا لـ ربعي في دفآعي مستميت والمدح فـالـزعبي على كل السبل
رح انشـد التاريخ وانشر وش لقيت وقـــت السيوف الفيصليـــه والنَبـــل
عسـآفـة الأمهآر والسيف الصليـت حمايـــة الجيرآن هاللحين وقبــــل
مبــروك يافرحان بـ المجد اعتليت واسمك يسجل بالجوآيـز في نوبـــل
يومك كفو قد الوعد صوتً وصيت خاشرت نوماسك وخاشرت النُبل
يوم اعتزيت بـزعب وبزعب انتخيت مكيالنــا للي انتخى فينــا دبل
فسبوع واحد للمراكز احتويـــت واللي يـنافس زعب عوّد منهبـل
المركز الأول بـ موروث الكويـــت واليوم في حفل المؤسس للأبل
فيصل بن سعود الحميان
التعليقات 1
1 pings
ال غصاب
19/01/2018 في 1:58 ص[3] رابط التعليق
صح لسان ابن حميان .. شاعر جزل. عز الله ابدع ويستاهل ابو فالح وتستاهل زعب