قصيده مهداه من الشاعر/ عبدالله الحميدي العبدلي المطيري إلى / فلاح شبيب بن ظاهر بمناسبة حفل زفاف أبنائه ( شبيب & ناصر )
يا مرحبا يا اهل الفعول المسمين في حفلة النادر عطيب الفعايل
راع الفعول اللي على السلم والدين ساس المكارم والفخر والصمايل
فلاح حر ٍ بالمواقف حمر عين النادر اللي ماكره بالطوايل
القاسي ابكفه من افعوله ايلين ولجل المراجل يحتمي للجزايل
أبو شبيب الذيب طلق الحجاجين قرم ٍ على الميقاف ساق الجمايل
حر ٍ يستّل في سماه الجناحين اللي على الطالات صايل وجايل
من لابة ٍ على المواقيف شرهيين من روس زعب وُزعب روس ٍ هوايل
يعزم على عرس العيال المسميين اللي يسوقون الوفا والجمايل
شبيب وناصر كاعمين المعادين على فعول الطيب روس ٍ صمايل
اذيابة ٍ لا صار بالعلم علمين وقت الفعايل فوق ظهر الاصايل
اقدامهم تثبت بوسط الميادين توقف وتلطم بالفعل كل عايل
اللي على درب المراجل نقيين روس ٍ ليا صاح المنادي هوايل
النادرين الصاملين الوفيين اللي لهم تاريخ ماهو بزايل
يبقى مع اهل الطيب والناس دارين ويشهد على ماقول كل القبايل
وحنا على قول الحقيقه مضرين ولا الردي للحق ماهو بقايل
هذي حقيقه ثابته بالدواوين ولا قصور ٍ في جميع الحمايل
والله يبارك للرجال العزيزين شويخ ٍ مواقفهم بروس الطوايل