راكب اللي لامشى يطرب العاني جيب لكزس مصنعه توه يشده اللي ساري الليل وحداني هاجسه بالجوف لاجاه ماصده دق سلفه وارتكز كل شيطاني كل ماستغفر هواجيسه تضده يافرج بعطيك انا عذب الالحاني والسلام ابرسله يافرج بده قالوا العراف عنك بليهاني لا وصلت الشهم ياصاحبي مده نصه ابن الليث والساس عرجاني هم هل الميقاف والاش ماعده يابو عبدالله تنصتك قيفاني ياعلي قافي على الخرج بحده حيث قدمه صاحب الطيب وحصاني من سلاطين العرب ساعة الشده الصلاحي كسبه الطيب وسماني وللمراجل صاطي العرف ونعده مكرمين الضيف والجار والعاني منهو اللي من الكرم يقدر يرده ياعلي طيبك شهر قدم الاعياني ومن نخاك الوقت مابيح بسده للمواقف مثل شرواك لا هاني يرتكي للحمل ويقوم ماهده بان صيتك عند الاقصين والداني وافي العرقين من خاله وجده والقبيله من هل الفعل عجماني بالجزيره فعلهم ماحدن قده فعلهم مشهور من عهد راكاني وثق التاريخ واللي بعد عده من مدح شرواك ماهوب غلطاني شاعرن من زعب والقاف بك شده