صحيفة الفرسان - تصميم / ناصر الزعبي
.
جتني الدعوه وسقت القدم صوب الجنوب
عند شيخا ومن ال عطيفه شهر كنه سهيل
بالفرح جينا نهنيه من قبل الغروب
نجل الاشغال لجل الاصيل ابن الاصيل
الف مبروكن عليكم ومن قلبن لبوب
في حفل فواز الا احمد وشيال الثقيل
جيت ابارك لك ولاهمني بعد الدروب
دونك الاعذار ماقولها لا مستحيل
ياولد من بالشدايد يفكون النشوب
لانصاهم ضيفهم قلطوا حاشي وحيل
الدلال مبهره. نارها سمرن شبوب
فوحها ينعش خوى الراس من بنن وهيل
الحجاج الطلق دايم مع الكل محبوب
والخصال الوافيه ماكسبها الا النبيل
ان بني اسمر رجال الحجر وقت الحروب
وال ظفير محزم الجود منجين الدخيل
يومها بالسيف والشلف وسنين الكروب
الاسمري يقدم على الخصم مايذكر ذليل
كم شجاعن لانواهم. يعود. ثم يتوب
تشهد العراف والفعل والسيف الصقيل
من جبال اقصى تهامه الى قريت ذبوب
ديرة. اهل العرف والطيب مافيهم بخيل
من جهل ينشد عن القول والعلم محسوب
فعلهم بين السلاطين جيلن بعد جيل
من لسان الشاعر اللي قصد ماهوب دوب
شاعرن معناه لاعد يرجح كل كيل
ايتهيض كل ماهب ذعذاع الهبوب
لاطراله من ذراعه على الجزله طويل
لابتي زعب العريبه ونا عنهم بنوب
بالمعارك خيلهم يسمع لصوته صهيل
يسرجون الخيل والخيل للعاصي ندوب
قايد الاشراف من فعلنا روح عليل
جارنا في ضفنا مابعد وخذ مغصوب
دونه الحيزا هل العرف عود ياهبيل
جبت نبذه والفعايل ماتجاهلها الشعوب
غير. قاصر بالقبايل هل الضل الضليل
ونحمد. الله يوم عم الامن من كل صوب
امننا. في وقتنا اليوم مامثله مثيل
تحت حكم اخوان نوره مروضت. الصعوب
العلم مرفوع وألاش ماعين حصيل
حن حماة الدار. والدار تبقى بالقلوب
نلطم. الخاين على. الخشم. واذناب العميل
مملكتنا. . في حمى الله غفار. الذنوب
والوطن غالي على الكل مامثله بديل
مبارك محمد الحذيان