صحيفة الفرسان ـ تصميم / ناصر بن شمروخ الزعبي
.
قصيده مرثيه في عبدالله بن خليف الشمري ( أبومعتز )
نسأل الله العلي العظيم أن يتغمد الفقيد بواسع رحمته
وأن يرحمه رحمة واسعه
ياربنا يافارضٍ حجة البيت يالواحد اللي كل مسلم بدابه
بديت بأسمك والعفو كان زليت شاعر وهاجوسه خذاه وسرابه
رثيت قرمٍ من رجالٍ زناتيت اللي لهم بالقلب عز ومهابه
يا بو بدر ماجت على ماتمنيت والموت ماخلى النبي والصحابه
مرحوم ياوجه السعد طيب الصيت اللي رحل واليوم قفت ركابه
مشيت في درب الرياجيل وأوفيت درب الوفاء والمرجله واللبابه
لك مجلسٍ مدهال ماعنه صديت لأهل الكرم والعز مفتوح بابه
ياللي على رأس الطويله تعليت يالنشمي اللي ماخسر من هقابه
لعل قبرٍ فيه يارجل حطيت تسقيه من غر المزون السحابه
ويارب ياللي مال غيرك ترجيت لعل أبو معتز يواجه ثوابه
في جنةٍ خضراء مثل ما تمنيت يالله عساها دعوة مستجابه
الشاعر / خالد محمد آل فريح
