.
ارقى على روس النوآيف لاغدى فالوقت ميل ولا تشتكي دنيا”ن” تسنن للردى مخلآبها
مآلك سوى رب العبآد اللي على خلقه كفيل مقدر الي قد مضى والمقبلآت ادرى بهآ
واترك شؤون الخلق لله ماحدن حطك وكيل خل البشر في حآلهآ واعمآلهآ بكتآبهآ
لوالديك اخفض جناحن تحت رجليهم ذليل ولآ تنطق الا كلمتن متوكدن بحسآبهآ
واخوك عزك فالزمان الشين مقدآم وعويل لآكشرت شهب الذياب الضاريات انيآبهآ
هو محزمك يوم الوغآ لاخالط العجه صهيل يوم ان ولد اللاش ثارت بندقه ف جرابهآ
وعيآل عمك لآ حدآك الوقت والليل الطويل مثل الحرار النادرات الي علت مرقآبهآ
منهم كريم اليآ تجمل مآطلب رد الجميل ومنهم شجاعن فاللقآ صد العدآ مآهآبهآ
وادرس قوآنين الرفآقه قبل تحديد الخليل من شان مآتبلش بنآسن مآحسبت حسآبها
احرص على اللي لا نخيته طوح السيف الصقيل وخلك من الي لآزهمته رآح في جلبآبهآ
ترى النشآمآ ماتبي من رفقة الطيب حصيل غير المراجل والسلوم وفزعتن لـ اصحآبهآ
عبدالله بن ناصر الجهام
