صحيفة الفرسان ـ تصميم / ناصر بن شمروخ  

.

قصيدة مهداه الى فراج بن فيصل السحوب

سلام اذاعت به روادي لجانيب لبنان و واشنطن وباريس طراه
ينقل خبر عاجل على صفحة الويب حتى الجرايد والصحف تعلن انباه
عنوانه الناموس يزهى هل الطيب يزهى القروم اللي لهم قدرن وجاه
ذولا هل الطالات و أهل المواجيب في حاضر الهيات و وقتن مضيناه
ذولا هل الحيزا وسقم المحاريب زعب الوفا سقم العدا فـ الملاقاه
اللي حمو زينات حشف العراقيب يوم انتخى الحربي وردو مطاياه
تلقى بهم فزه ونده وترحيب والطيب عند اهل النواميس تلقاه
هذا سلامي صوبهم والمناديب والمدح في من يستحقه كتبناه
واخص في مدحي كثير التراحيب فراج بن فيصل عسى الرب يحماه
وفي ختمها يارب ياعالم الغيب يامن جميع الناس فالضيق تنخاه
المرجله منهاجها صعب وتعيب يالله تجملنا على العز يالله

نواف بن علي الوايلي