صحيفة الفرسان ـ تصميم / ناصر الزعبي
.
كبرو الله أكبر وصلو عالنبي وافخرو يا شعب ذيبٍ تحت ظله ذياب
الجنود اللي ورى الحد موتٍ يرعبي للمعادي والمعادي يجي تحت التراب
في حما الشعب السعودي وماهو يطلبي مرخصين الروح والروح ما راحت سراب
الفحي يا بنت ابوها وشوشي والعبي الوطن ورجاله الوافيه ستر وحجاب
يا وطنا كلنا لك وتامر وش تبي الصبا شبّان والشايب يعوّد شباب
بالمحبه والوفا من يجاريك يهبي والولا لك يا وطن من هنا ليوم الحساب
رفرفي ياراية العز والمجد الابي عانقي صدر السماء واعتلي هام السحاب
دام سلمان الحزم في ضلالتس هبهبي واستضلي في ضلاله يعديتس الهباب
عاش سلمان العطاء عاش نعم المكسبي عاش عز المملكه عاش حاكمنا المهاب
تمت ومن خاطري قلتها ومن أطربي ومن محبة مملكه دونها سمح الجناب
دمت فخر الشعب وامن الخليج اليعربي دمت بعد الله وحفظه وإليه الاناب
مرشد محمد العرقان
