أحتفل نايف بن علي ال مدلاج الزعبي بزواج نجله ” سعود “
وذلك في قاعة ريجنسي للأحتفالات بالدوحة بدولة قطر
صحيفة الفرسان الإلكترونية تبارك له وتتمنى من الله ان يرزقه الذرية الصالحة .
يا مرحبا في زواج سعود بن نايف يقولها بالنيابة كل مدلاجي
يرقا بخيالة الصفرا على النايف فينا رجا راجي ونقطع رجا راجي
من صلب عودٍ لشاف الجمع متلايف حوّل عليهم بضربٍ ما له علاجي
حنا هل الخيل كلن خابر وشايف ورقابها للطريح ان طاح تنعاجي
حنا عما عين من قلبه لنا عايف حنا سعد عين من جا صوبنا لاجي
ما همنا الوقت لو جا وقتنا امهايف يندا الندا من كفوف مدّها ايفاجي
وجيهنا نحمده ما لافها اللايف بيض كما نور صبحٍ شع وانباجي
تاريخنا من ذهب ما صاغه الزايف والعز نرقا سماه إسرًا ومعراجي
زعوب لا كلّحت ما فيهم امسايف هم ستر من كحلها يزها به الساجي
شريف مكّة بغا البل من ورا الطايف ولا درى ان حربنا من غير مخراجي
والبل عليه ابعد من العز للخايف لو كان مافيه منّا واحدٍ ناجي
حنا النيازك لها من حوفة الحايف يومن بعض القبايل هابت التّاجي
ايو الله حمّاية الحيزا من الهايف فعولهم في الملاقا تطلق حجاجي
حنا الفخر والشرف والمنسب الكايف ومدوّنٍ في أمهات الكتب بالزاجي
حمد نايف المدلاج الزعبي
هلا مرحبا ترحيبتً تشمل الحضار عدد مانزل من ماطر السحب وداني
هلا وارحبوا تنساق بالبن لامن دار على كل طيب للحفل جالنا عاني
تراحيبً اتثنى وعود وسنام حوار كرامه ضيوف الحفل من كل الاوطاني
ومن بعدها ياسعود مبروك لك مليار عسى فالك التوفيق ياثاني اخواني
جعل بيتك المبني يعمر بصبيً بار وتزها حياتك بالسعاده والايماني
الا ياولد عودً تلافت له الانظار اللي كبرت الدعوى يردد له الشاني
راعي الموقف الصامل ليا ضاعت الاشوار وابو مرحبا واهلين لضيف والعاني
وفي ختامها صلو على محمد المختار شفيع آمته في يوم زوغات الاذهاني
فهد بن نايف آل مدلاج الزعبي