.
يـاللي تدوّر عن قصيده خالد الزعبي مـلول الشعر لو هو سلعةٍ تنباع ماهو سايمه
نشدتني تبغي جديدي مير مدري ويش أقول قريحة الشاعر بشهر الصوم مثله صايمه
أنطر نهار العيد يمكن يرسل الهاجس رسول يقول صح النوم ياشاعر هجوسه نايمه
عيدك مبارك يامتابعني عسى عمرك يطول والله يـعيده وأنت في خير وبـصحه دايمه
من بعدها شد الخطام وهوبل بظهر الذلول وأبعد شديدك كل ما كانت سمانا غايمه
الشعر وديانه ربيع ونبت وأمطاره سيول الله يبارك للديار اللي بدربه قايمه
وشعارنا يازعب واجد ياعساهم للقبـول أصغرهم اللي باللقاء ماتنثني عزايمه
الفاضي يداحم مع الأيام ويصول ويجول والمنشغل في دنّيته لاشك محدن لايـمه
وأنا تقاعدت وموادعها على حسب الأصول لو كنت هايم في محاسنها وهي بي هايمه
خالد بن فهد بن سلامه