صحيفة الفرسان ـ تصميم / ناصر الزعبي  

.

عاد فالهقوه ضيا ماطفا للطيب ضيّ في عيون اللي دحم وقته بطيبه دحم
كل ماتكثر همومه ماشاف الهمّ شيّ متكّل باللي كسى العظم لين أصبح لحم
التجارب تكوي الظلع لين أحس كيّ فالصدر عبره وطاري وذكرى تزدحم
سامح الله من نوى لي مع الأيام سيْ الجروح تطيب من غير دستور و أحم
تعطي الدنيا للأنسان حاجاتٍ شوي وتاخذ أكثر من عطاها وتقحمنا قحم
الحصاد من السنين الذكْر والفعل ريّ عقّب اللي ما وقف للقريّب لا رحم
قصّر الله عمر من ياخذ الهجران فيّ وطوّل الله عمر من يوصل بصلة الرحم
للسعاده عدّت وجيه .. وأقرب وجه ليّ شوفت الضيف المسيّر على هيل وشحم

محمد عبدالله الهميم