ياخالد يابوك اتعبتني والزمان اشحيح تزايد مطاليبك وكفي ما تجدها
دخلنا بعد لشواط في ركلة الترجيح وحارس يصدبها ولاعب يسددها
يا كثر اصدقايه بس عند اللزوم اتبيح ولا تعرض الدعوه لمن لا يسندها
تمر الوجيه وتنتهى ماحصل ترشيح واعود واعددها تقول اتفقدها
ابقول بعلا الصوت ما قولها تلميح اعد الحقيقه والرياجيل مجحدها
لا الله سبحانه تعالا ثم ابن فريح ظروف الليالي روحتبي معا يدها
نخيته وقال ابشر وخلا الهموم اتزيح وخامسني بكفن عسى الله يسعدها
تشوف بنظر عينه حميه وهبة ريح ايدينه تمد ومدته ما يعددها
هذا طامي الزحزيح ابن شايبن زحزيح سلايل رجالن فالمواقيف تاجدها
يومن صياح الضحا من عناه ايصيح فريسن مايسلم فالقا من يعاندها
يقوم الثنا لخوان ثنوا ماهو بيطيح شهادة وفاء كل الرياجيل تشهدها
فعولك ياطامي واضحه ماتبي توضيح ولاني بالاول لجل للناس اوكدها
توظف وتعطي وتعنا والكلام اصحيح مواقفك اعددها وغيري يعددها
لو اعد فيك من القصايد الين اتبيح ماوفتك ياشيخ المراجل وقايدها
الا يابعد من فزعته مثل نبت الشيح تزخرف وصلفات الهبايب تهمدها
ثقيلن على ربعه وهو فالمراجل ديح يكابر بنفسه والريالات يعبدها
سعود بن مدلاج
شيلة شيخ المراجل ـ كلمات / سعود بن مدلاج ـ اداء / طالب علي ال حديد