صحيفة الفرسان ـ تصميم / ناصر الزعبي  

.

 
قصيدة في / سعد محسن الحلاوين
من الشاعر / محمد بن عبدالله آل هميم

السما رحبه وفيها من السحب الثقال ظللت قاعٍ قفر .. وأروت القلب الحزين
والله أن ( ونعم ) يوصل لها ذرب الفعال أقصرو عنها الرديين والمسترجلين
مرحباً فالطاري اللي له فعولٍ جزال وقفّو عند أسمه وكلبوكم شاهدين
أنه من الطيب يرقى على روس الجبال عند راسه شايبٍ يذبح الكبش السمين
علّمه درب المراجل وصار من العيال اللي مايعرف طريق الا درب الغانمين
ياسعد محسن لك البيض تنشر من خلال القصايد والسوالف مابين المخلصين
نادرٍتجمع جزيل الخصال من الخصال مطلق حجاجك على عز ياذرب اليمين
وقفتك لـ عيال عمّك عن الشمس الظلال ترتكي للحمل ويشيل متنك مايلين
لا زهمت قمت في اللازمه في كل حال أشهد انك يا سعد تدحم بجنبٍ متين
يوم غيرك مانفع فـ أنت وأخوانك رجال كلكم محزم ظفر في شديدات السنين
المحازم يابني عمّي عراضٍ طوال تمتلي من فعلكم كل وقت وكل حين
كل طيّب راس حنّا نعدّه راس مال لاعدمناكم يا روس الرجال الطيبين

محمد بن عبدالله ال هميّم