صحيفة الفرسان ـ تصميم/ ناصر الزعبي
.
تغريدات مبارك الوشمي
ibn_washm@
في ما تقول البشر ماني معابلها
ما دام بعض السوالف ماهي بهمّي
وثنتين مهما حصل ماني بقابلها
تغتاب في صاحبي ولا ولد عمي
—————————— ——-
لا تقول الأيام تمهل لي
وتعيش الأحلام وتبدع
دنياك مثل المطار اللي
يستقبل الناس ويودع
—————————–
مقبول عذر الرجل لا عيت ظروفه
وثنتين فيها حرج ولا لها صرفه
يحرجني اللي عجزت ارد معروفه
ويحرجني اللي عرفني بس ماعرفه
—————————— —-
تحاتي أشياء ٍ على الضيق ساقتك
وأشغلت نفسك بين هم ٍ و وسواس
تبي مع الناس أتحسّن علاقتك ..؟
حسّن علاقاتك مع خالق الناس
—————————— ——
يالله على بابك ولا خاب طلاّبك
يا كافل الرزق يا قاضي حوايجنا
أنت القوي الذي نرجيك ونهابك
من واهج النار ياربي تخارجنا
—————————— —
طويت صفحات الهوى طيّت كتاب
وجنّبت دربٍ خابره ما يطوّل
وقفلت من دون الهوى عشرة أبواب
وقلوبنا ، ممنوع فيها التجوّل
—————————— —–
عيش كل العمر ولا عيش نصه
منت ماخذ شي غير اللي انكتب لك
وان بغيت يكون لك فـ النعم حصه
لا تقصّر في دروب الطيب حبلك
—————————— ——-
حي الرفيق الصامل الطيب الدمث
مهما حصل ، ماغير الوقت شرعه
بعض المعارف كنهم كسرة الرمث
تولع بسرعه ، و تطفي بسرعه
—————————— —–
مانشكي من الفقر ولّا من الدين
لوْ إن لاحقنا من أيامنا هم
يردنا من طلبت الناس شيين
بـ نفوسنا شيمه ، و فـ وجيهنا دم
—————————— ——–
هذا الذي ماكنت حاسب له حساب
وأنا أحسب إن اللي شرا مايبيعي
من الطبيعي ، كل هجر وله أسباب
لكن بدون أسباب ..! ما هو طبيعي
—————————— ———
قد لي ثلاث أيام يا قرّة العين
وأنا اتحرّا جيّتك وأتصالك
حالي بليا شوفتك ماهو بزين
وأنتي بليا شوفتي كيف حالك ..؟
—————————— ——
والله إني من بعد غيبتك حالي خطير
كيف أعيش الوضع والحال ما والله يسر
جيّتك كنها التباشير في عين الفقير
وروحتك كنها دموع الشجاع إليا مر
—————————— ———: ياللي تغيب وغيبتك مالها أسباب
وش ذنب قلب ٍ من فراقك توفّا
إن كان قصدك بس تلعب بالأعصاب
أرتاح لأن الحظ ،، كفّا و وفّا
—————————— —-
: ممحق من اللي يشح إلى خذا حاجه
غير الذي لا عطا حاجه يمن ابها
—————————— ——-
: تحاتي أشياء ٍ على الضيق ساقتك
وأشغلت نفسك بين هم ٍ و وسواس
تبي مع الناس أتحسّن علاقتك ..؟
حسّن علاقاتك مع خالق الناس
—————————— —
إليا بغيت تروح خلّك سنافي
رجّع علي اللي عطيتك وروّح
من بعدها لاغبت غيبت عوافي
ماني مسوي مثل قيس الملوّح
—————————— —–
من باب خبرة تجاربنا مع العالم
عرفت وش تفرق النجمه من النجمه
جاملت لي ناس ، لكن والله العالم
ابعطي الناس كل واحد على حجمه