صحيفة الفرسان ـ تصميم ناصر الزعبي
يالله بـ يميقافٍ يشرف مع الناس
لا عدو أهل الطايله والحمايا
مكاسب الرجال دينٍ ونوماااس
تقلطه مع الرجال الدهايا
وصبرٍ على الشدات ماهوب حساس
عزمه يزيد إن زودن البلايا
اللي يبي العليا لزومٍ يجي راس
ماهو بـ بالواجب يجي بالزوايا
الرجل ما يصبح للأنذال مفراس
من دون حقه ما يبيله وصايا
ودك على المقباس ، تصير مقباس
وتْحشم مَنْ يَـحشم كبار اللحايا
وتختار لك صحبه وتختار مجلاس
مجلاس صحبة خير ماهي خزايا
اهل الخزا مجلاسهم ضيق وعماس
سواد وجه وكثرةٍ بالخطايا
عليك باللي للأصاحيب نبراس
مَنْ منهجه بيّن ولابه خبايا
عليك بأهل الدين واللي على ساس
والدين للرجال خير المزايا
منهاجهم ينجيك عن درب الاتعاس
ومنهاجهم سنة رسول البرايا
وجعلي قبل ما ياقع براسي الفاس !!
اتوب من قبل القبر والمنايا
وإن جاء نهارٍ فيه كلش بـ مقياس
يالله سترك يا عليم النوايا
ماني بـ متخبي ، ولاني بـ دساس
كل البشر قدام عينك عرااايااا
يوم الحصاد لـ كل بذرٍ ومغراس
نبي السلااامه يا عظيم السجايا
علي غنيم المديبغ