سوالفك عندي لها قصد واهداف و انا سمحت من السوالف بليّا
مريتني واخذْت وياك محراف و يا ليل هيّا واسر يا ليل هيّا
تجيب قصه مالها راس واطراف و يجبرني السلم استمع لك هنيّا
ضيف و وْمرك الله على بيت مضياف ولا حشمته يوم رحّب و حيّا
تفخر و تجحد فعل ماضين الأسلاف وانا اشهد انك ( جِئْت شيئاً فَريّا )
اجحفت في حق النشاما و الاجحاف من جهل مدري خبث مدري كذيّا
و فـ الهرج نعره جاهليّة وينعاف وحاولت اطوّف لكن القلب عيّا
الغيض بـ وجيه الرياجيل ينشاف اللي دوافعْه السطر والحميّا
ياضيفنا : من باب تحقيق الانصاف لا والذي يخرج من الميت حيّا
حناهل الميقاف و انتوا هل القاف يوم العرب تفخر على ما تهيّا
يوم ان جدّي راسه بـ راس الاشراف جـدك تحت ظـل المـلـوك يّتـفـيّـا
و يوم الجهل والعالم ارباع وانصاف شيخان ربعك عند ربعي جِثيّا
و انت تْذيكا لكن الناس عرّاف وهذي حقايق ما عليها غبيا
يا مدوّر السمعه على غير ميقاف ( مسيلمة كذّاب ) و ( احمد نبيًّا )
جتْك العبيا وانت متلحّف إلحاف و صحيت ماش عْنان ولا عبيّا
علي بن محمد البراطمي