صحيفة الفرسان الإلكترونية
حنا بعام الحزن من فقد رمزين
فقد الملك مع سيفنا الفيصل سعود
ياعين هلي الدمع ياعين ياعين
واليا نثرتي الدمع مافيه منقود
وياعين مالومك على سعود تبكين
انا اشهد ان سعود ياعين مفقود
المملكة تبكيه والعرب والدين
درعٍ لدينه والوطن لـ اربع عقود
رايه سديد اليا غدا العلم علمين
وباسه شديد اليا جهل كل مقرود
له كفة ترجح بكل الموازين
وبالحق يصدح فيصلي وصادود
ساس السياسه طيب راسه بتقنين
من قو باسه لا وقف كنه الطود
اليا بدا رايه يصيب النياشين
واليا حكى حكيه كما طلق بارود
ياولد فيصل ياشبيه بثنتين
شكله مع هيبته غايب وموجود
نسأل لك الفردوس وجعلك بعلين
متنعم ياسعود في ظل ممدود
نواف احمد الزيد الزعبي
