البارحه جالي على النوم وقّيف ماذقت نومي لين بان السفريا
ياخوي ياريف الركاب المناكيف حالي عليه من الحبيّب خطريا
ياخوي ماعينت زين التواصيف ولا لفاكم من عشيري خبريا
تماكنو لي يافهد حالي ضعيف حالي سباه اللي جبينه عفريا
امس الضحى رجلي على بيته تقيف واليوم مدري وين خلي عبريا
ياونتي ونة ثلاث مصاخيف أضوار فوق حوير(ن) وانكسريا
طال الخلاج وصار فيهن صواديف والكل منهن طول ليله سمريا
على عشير راح مني تزاليف مدري شمال او يم ديرة قطريا
المرحوم/ عبدالله بن راشد الرمضان الزعبي