ياوطنا فدوتك من راح في الواجب ضحيه ياعساهم في جنان الخلد وبليا حسابي
دون دين الله وديرتنا نرحب بالمنيه لو لكل ارواحنا يومن مسجل بالكتابي
ياملكنا ياولد من ثبت شداد المطيه لين لبسها سعدها من عقب ضرب الرقابي
الاشاره من يمينك اعلنت حل القضيه للحزم عاصوف للباغي مثل رد الجوابي
وينه الحوثي ووين اللي نواياهم دنيه فوقهم ضربن يجز الروس من حد العلابي
كم وكم نسعى لحقن الدم للنفس البريه كم نمد الكف للاصلاح مانبغى الخرابي
لين باح السد دون الصبر مابه مقدريه كود بالإف وقذايفنا الين الشر غابي
دام عزك يالخليج وكلن يعاضد خويه واحلفانا من هل الاسلام يردون الصعابي
ياهني الدار في سلمان والله ياهنيه وفي رجالن عند رب البيت يلقون الثوابي
يسهرون ونستريح بفضل ربي تحت فيه وانتلذذ حلو ماكلنا معا حلو الشرابي
ساقوا الارواح للأوطان بنفوسن رضيه وافنوا الباغي وقالوا ياوطن باغيك خابي
السلاح الدين ماغيره عتاد ومعنويه النصر والا جنان الخلد وبليا حسابي
ناصر بن متعب