يالله ياللي تحت هيبّتك ضاع الكلام الك الشكر والثناء من المهد لـ اللحد
ويالله ياللي تبث النور بعد الظلام انك تعين الولد في مدح جد الولد
ياهاجسي حان وقتك في رفيع المقام رجلٍ بفعله شهر صيته بكل البلد
مطلق شنار المديبغ بأسمك انشق خام ويعنك بأسمك نطوع كل عاصي بعد
جدي حزام السعد لا قيل وين الحزام وليا اعتزا في منيره الشجاع ارتعد
أموصيٍ بالصلاه وبالذكر والصيام انشهد انه زرع وانشهد انه حصد
لامن هرج زاد هيبه وانصتو بـ احترام وش عاد لو تضحك سنونه وقام وقصد
عمره ثمانين عامٍ والفعل الف عام ياجعل يبطي به الوالي لـ يوم الوعد
تستاهل الطيب والدله وفرخ السنام ياشايبن فالمواقف ماتخِلف العهد
اكعام للمعتدي لا والله الا اخزام ولد من يضرب عقيد القوم لا من ورد
ابوك راع الفعول الي تفض الزحام يوم الخيول اقبلت قال لـ غنيم استعد
سبعين فارس على خيلٍ تعض اللجام غاروا على الي مايعرف ذل ولاّ مصد
اثنين ردوا إمغيره واحتمو للجهام شنار وغنيم هم والله حزام السعد
فعلٍ يجمل ويطلق ويتعدا الغمام بالموقف الي عليه العين قامت تلد
ياما فزعتو ولا انتو في حدود الملام لاصار صوت الفشق يشدي لصوت الرعد
ترفع لكم رايةٍ بيضا لا ثار العسام ولا من ضربتو الاعادي ماتعيّن ضمد
ياجعلكم مع رسول الله عليه السلام ويجعلّ لكم صفحةٍ بيضا تشادي البرد
ان كانها فالبدايه ولا مسك الختام السيره العطره بصيتٍ علينا خلد
محمد راشد مطلق المديبغ
