تصميم / ناصر الزعبي
الحمايا ما ترد الشاعر اللي
يفخر بـ تاريخ ربعه في قصيده
زعبي و راسي من الفخر متعلي
و ابدع الابيات و ابدع فالنشيده
يا بنات افكاري بليّا .. تغلي
اقربي مني و ابعطيتس الفريده
في لزومٍ احتريه و ما حصلّي
لين جاني والله المعطي يريده
ودي امدح ربعي النور المجّلي
مدحةٍ في زعب ما والله جديده
المتاريك الدهايا محزمٍ لي
عزي لـ منهو نواهم في مكيده
و الغوانم سيف عز و عزوةٍ لي
من سنين وهم هل امجادٍ تليده
و ان نصيت الاد مفحل لابةٍ لي
ما شكيت الضيق لا قيّد بـ قيده
من سلايل زعب اهل فعلٍ وظلي
للضعيف اللي وصل ضيقه وريده
ناصر بن سعد ابن حمد الوهيبي
