تصميم / ناصر الزعبي  

مادري وش اللي داخلك واتصوّر ان العواصف في قلوب القوارير
ثوري على الصمت الرهيب بتهوّر قولي وش اللي بخاطرك للجماهير
خلّي ظلام الليل صبحه ينوّر وخلي خطانا تختصر في المشاوير
ولا تسأليني انت شللي اتدوّر وراك ما ملّيت كثر المعاذير
تبين كذبة واعترافٍ مزوّر لا لا هذولا غير وانا بعد غير
فيك القديم وكل شعر مطوّر حتى الذي ما زال في قيد تطوير
سرّ المحاسن فيك جلّ المصوّر ومفلترك ربي ومن غير تصوير
بنيت لك صرحٍ منيعٍ مسوّر واللي وراه تطير فيه المعاصير
ماشفت غير اسبوع نص المدوّر ومتلثّمٍ باسبوع يمكن أو آخير
أرخ اللثام لعين جوعا تضوّر الاسبوع الاول شر والثاني الخير
واسق العطاشا فالكليبين غوّر بقلوبنا من قبل لا تغوّر البير
وان قلت لي طمّاع ولا امتهوّر باقول لك وش عاد أو خير ياطير

حمد بن نايف المدلاج