تصميم / ناصر الزعبي  

قصيده في الوالد عبدالله بن سالم الرمضان

تصوم القريحه مير للصوم وقت إفطار ولو طال وقت الصوم ماهي بضميانه
تعطش على مدحة هل الطيب والمقدار وفي مدحة الرديان ماهي بعطشانه
ترى مايَهَيّض فكرة الشعر والشعار سوى اللي بفعل الطيب فارق به حصانه
فعوله تَهَيّضنِي على نظمة الأشعار ويستاهل من الشعر لوله ومرجانه
كبير الأسم والفعل وَأَصّل الكبار كبار بجوده وممدوده رفع ربنا شانه
عبدالله ولد سالم سنافي حكيم أشوار هذا أصل الوفاء والجود واحد من أركانه
هذا أسمه رفيع الشأن من خِيّرة الأخيار وبينه وبين النعم تقدير وميانه
كريمٍ رمى بالبخل والضعف وسط النار هذه مالها بفعُوله ومنهجه خانه
فعوله عظام كبار تلفت لها الأنظار ومن دون ميقافه مايختل ميزانه
ليا قال طال وله عزيمه وقو إصرار وترى الرجل طِيّبه من مجاذيب سيسانه
عريب المناسب من رجالٍ طوال أعمار ونعمين فيه وفـي خواله وجدانه
وهذه حقيقه واضحه ماعليها غبار وأكيد الكتاب يَبِيّن من وصف عنوانه

خالد بن محمد الطامي