تصميم / ناصر الزعبي
قلبي كما الطير لاانفكت مسابيقه لكن جناحه كسير ودنيته حكْره
عنّاه بعد الوليف وسبب الضيقه والبعد مرات مثل الموت له سكره
والا انت بينك وبين البيض تفريقه عليك ذكر الله اكبر وألف من ذكره
جمالهم حلم ليل وصعب تحقيقه وجمالك الواقع اللي جيته بكره
وصالهم حر شمس وقيض ماطيقه ووصلك مطر يوم محد ٍ للمطر يكره
ميعادك اللي معي تصدق مواثيقه وميعادهم كذب جاحد واضح ٍ مكره
لقيتك العذب تروي يابس ٍ ريقه ولقيتهم عد لكن جمته عكره
اشوفهم دون سِعد القلب وتعيقه واشوفك اكبر نعيم وواجب ٍ شكره
سجلّهم خط مرسم صعب توثيقه وسجلّك القافيه والوزن والفكره
ناصر بن متعب الزعبي
