تصميم / ناصر الزعبي  

قصيدة مهداه من عبدالعزيز راشد الهليص
الى الرائد/ علي بطي البراطمي

إليا طرقت المدح ماعنك تجنيب ياللي تجيب الكايده بريحيه
لك نفس ماملت علو المراقيب ميراث جدانك ولاهي شريه
لا ياعلي مامر   يمك عذاريب ولا يجي فالدرب عندك دنيه
ياطيب راسك يا حصان الاطاليب ياسعد عين اللي عيونه شقيه
يا صامل الوقفات راعي المواجيب ياوافي الهقوات في كل هيه
احدن مغازيه من قريب لقريب وانت مغزاك يجيب قسم البليه
بعض الأسامي ذكرها في طرف سيب واسمك يدرس مدح عند السريه
صيتك وصلني مع خيار الأجانيب من قبل لاكشفك يجيني هنيه
قالو ولد عمك خذا صفوة الطيب وينومس اللي وسط راسه حميه
له مكتبن داويه صوت التراحيب قاضي لزوم القوم في كل جيه
من دون ربعه يردع السبع والذيب حللال صعبات الامور العصيه
لا كبرت القاله وبلشو الأصاحيب شرواك ماتصعب عليه القضيه
بعض المناصب للعرب كاشفة عيب واسمك يشرف في مناصب قويه
ماخاب لك مسعى ولا ظني تخيب لأنك على مرضاة رب البريه