تصميم / ناصر الزعبي  

ترحّل في مراكب فكرك اللي تعشق الترحال
وإذا ماصادفك مرسى مهو لازم ترسّيها
على كثرة سخافات الشعر تبقى الجزال جزال
تناقلها العرب لوّ الصحف ما تلتفت فيها
بالإذاعة بأحاديث السهر بالنتّ بالجوّال
بتاصلك البيوت اللي توسّع صدر قاريها
فإلا منها بدت ما بين عشّاق الأدب تختال
يفوح العطر منها والزهر ينبت حواليها
تشدّ أسماعهم بفنونها اللي تذهل العقّال
يحيّرهم وش أحلى سبكها ولا معانيها
تشوف رواتها بكره ليا قالوا فلان شقال
هذاك يعدّها للعالم وهذا يغنّيها
نعم بعض القصايد ما تبيّن معدن الرجال
لكن بعض القصايد طيبها من طيب راعيها
بيبقون الكبار وما على قدر الكبار جدال
مكانتهم مثل شمس الضحى محدٍ يغطّيها
فقلّ للشلّه اللي تبني من أوهامها تمثال
تماثيل الوهم ماهو يسرّك حال بانيها
زوايد والزوايد ما تلقّيها الخلايق بال
لو تضيق الصحف بصورّها ولا بأساميها
يا مرسال الشعر خذها لهم في الحال يامرسال
وإذا فيهم أحد يقدر يجاريها يجاريها
نعم بعض القصايد ما تبيّن معدن الرجّال
لكن بعض القصايد طيبها من طيب راعيها

مشعل الزعبي