لو عشت عمرك تالي الوقت مكروب ويمر دمعك بين صاعد وحادر
مايجزع المسلم على شي مكتوب مادام له رب ٍ على الهم قادر
المبتلي من خالق الخلق محبوب يصبر ويبشر والفرج له بوادر
حنا بزمن عدل الموازين مقلوب عنا يشح الغيم والموج هادر
حتى البشر تغيرو طبع واسلوب صار الوفا من القصص والنوادر
راح الزمان اللي به الخير مرغوب والطّيب اللي بالمواصل يبادر
وجانا زمان يجمع الناس ب قروب اطيبهم اللي لا تضايق يغادر
سعد الرويبخ