يعزز المجلس لنا النهج الأصيل نمشي ورى الشيبان في وجهاتنا
جزل السوالف بين طيب وريح هيل وروح التآخي صدق في كلماتنا
كانت مجالسنا مدارس والحصيل شوف المبادي سلمنا عاداتنا
واليوم مال المبدأ اللي مايميل فالمجلس ولا فيه غير سكاتنا
هذا هو اللي صار فينا عيب جيل مدنقين الروس لآ يفوناتنا
الأكثريه بس يبقى بالقليل خطواتهم دايم مثل خطواتنا
ماعندنا غير أرحب وفعل ٍ جزيل وإن صكّت الدنيا لها بسماتنا
ندمح خطا ونعدّل الفعل الهزيل ويامن هفى لاتنظر لهفواتنا
أخلاقنا دايم مثل سيلٍ يسيل نكسب بها مجدٍ رفع طالاتنا
الله خلق للكايده متنٍ يشيل ماهي تساوى للعرب هاماتنا
اذا نوينا ننوي لفعل الجميل واللـه معطينا على نياتنا
محمد عبدالله الهميّم