انا اعوذ بك يالله واشكي لك بـ شكواي تعرف الخفا وتزيح مافيْ من ونه
يقولون حالي صعب والوقت جاب اقصاي وانا اقول عشت وذقت من لاهب الكنه
انا لي ثلاث شهور متشتت ونساي حياتي حياة اللي رفيقه خلف ظنه
رفيقن اعده درع واليوم ضمن اعداي هذي والله اللي توجع القلب وتحنه
وانا لو يميل الوقت ماملت عن مبداي اعز الرفيق ووقفتي مابها منه
على سلم عودن في حياتي احث خطاي ومن سب فيني بالقفا ماعلي منه
نعيش الحياه ونجهل اللي علينا جاي تحت رحمة الله نطلب العفو والجنه
فهد بن متعب الحذيان