سرى العارض اللي مَـن يسامرْه ما يرتاح بروقه تكاشف والرعد صوته يهيّب
وأنا من مغيب الشمس لين أنفلق الإصباح أسولف على روحي وأهوجس ومتصيّب
ياعنك إن عمرك يا البنادم خرز مسباح تتابع لياليّه يالين إنّـه يغيّب
من الموت لا راكض ولا طايرٍ بجناح وأنا داري إن اللّـه من عبده قريّب
أنا طالبك ياللّـه لا عرْضت الألواح بيومٍ به الأطفال من هوله تشيّب
أنا طالبك مني جميع الذنوب تزاح يامَـن تستحي لاتكسح العبد وتخيّب
وأنا طالبك عمرٍ تتابع عليه أفراح عليه إتفتّـق غيمة رضاك بالصيّب
ترا طاعة الله والله إنها هي الأرباح وراع المعاصي لو ضحك ماهو بـ طيّب
علي بن غنيم المديبغ