متصدرين المجالس مكْثرين الكلام وقت السعه بيّنين وفالعسر يختفون
لابان منهم رفيقٍ وارتفع له مقام قامو على جرّتة بالطيبات يحَـثُون
من كثر غيض القلوب يخالفون النظام أهوّن عليهم يسبونه ولا يمدحون
ترا رفيقك ليا من طاب هذا الحزام ومذمته عند خلق الله تزيدك بـ هون
الله من كلمةٍ تطحن صليب العظام والناس يارجل لامن طحت مايرحمون
جنّب عن الكلمه اللي تلْحِـقك بالملام ماكل مَـنْ حولك أصحابك ولو يضحكون
ينقلّـك الحكي شخصٍ ناقصٍ ما يسام لو إنْه يسوى يحامي والرجال يحمون
لا صار فالرجل دين ومرجله وإحترام تراه كامل لو إن الناس ما يكملون
عليك بالماقف اللي يجعلك فالسنام والطيّـب من الكلام يجمّلك فالعيون
يفوز مَـنْ داايماً نظرات عينه لـ أمام وقومٍ تناظر حدر رجلينها يقعدون
علي بن غنيم المديبغ